НҮБ-ын Соёл, урлагийн хорооноос жил бүрийн дөрөвдүгээр сарын 23-ныг “Дэлхийн номын өдөр” болгохоор 1995 онд албан ёсоор зарласан. Энэ гэгээлэг өдрийг зохиолч, хэвлэн нийтлэгчдэд хүндэтгэл үзүүлэх, залуучуудын дунд ном уншихыг сурталчлах,нийтийн уншлагыг дэмжих зэргээр тэмдэглэдэг. Үндэсний статистикийн хороо дэлхийн номын өдрийг тохиолдуулан Монгол Улсын Ардын уран зохиолч Д.Цоодол гуайтай уулзалт хийлээ. Уулзалтын үйл ажиллагааг хорооны дарга С.Мэндсайхан нээж, статистикийн хамт олны урилгыг хүлээн авч хүрэлцэн ирсэн ахмад зохиолчдоо баярлаж талархсанаа илэрхийллээ.
