Сэлэнгэ аймгийн Жавхлант сум нь 1977 онд байгуулагдсан, хуучнаар Түшээт хан аймгийн Эрдэнэ вангийн хошуу. Бумбат, Моностой гэсэн 2 багийн нийт 656 өрхөд 2051 хүн амьдардаг.Хүн амын тоогоор Сэлэнгэ аймгийн 18 сумнаас 15-д ордог.
Далайн түвшнээс дээш 800-1200 м өргөгдсөн. Физик газарзүйн хувьд Хэнтийн захын уулсын мужид, геоморфологийн хувьд Орхон-Сэлэнгийн бэсрэг Сэлэнгийн дэд мужид багтдаг. Газар хөдлөлийн эрчим 6 балл.Сумын нутаг дэвсгэр нь уул, гүвээ толгод бүхий тал хээр, мал аж ахуй болон газар тариалан эрхлэхэд тохиромжтой.
