Наран сум нь Сүхбаатар аймгийн харьяат сум юм. Ардын Их Хурлын тэргүүлэгчдийн 1955 оны 5 дугаар сарын 26-ны өдрийн 46 дугаар зарлигаар Наран сумыг засаг захиргааны нэгжээр зохион байгуулжээ. 

Говь, тал хээрийн бүсэд оршдог бөгөөд далайн түвшнээс дээш 1172-1560 метр өндөрт өргөгдсөн ухаа гүвээт тал зонхилсон, нутгийн хамгийн өндөр цэг нь Баяндулаан уул 1749 метр байна. Молцог элс, Логийн чулуу, Ачаа чулуу, Гэр чулуу, Баяндулааны агуй, Бэрхийн гуу зэрэг байгалийн сонин тогтоцтой газар нутаг олонтой.