Баянцагааны нуруун дахь хана хэлбэрт
хөшөө. Энэ хөшөөнд “Монгол-Зөвлөлтийн баатарлаг дайчид Японы түрэмгийлэгчдийг
эндээс дотогш үл ахиулан бут цохисны мөнхийн дурсгалд зориулан босгов. Монголын
залуучуудын анхдугаар тойрон аялал –чуулга уулзалтад оролцогчид. 1969-VIII-6”
гэжээ. Монгол гэрийн хананы хэлбэртэйгээр босгосон тус
хөшөө нь дайны ялалтын 30 жилийн ойд зориулсан учраас хананы хэлбэр нь давхар
30-ын тоог ромбо байдлаар илэрхийлсэн байдаг.
