БУЙР НУУР, ИХ БУРХАНТЫН АЯЛАЛ

Та дэлхийд алдартай тэгш хээр Мэнэнгийн тал нутгаар салхи татуулан давхиж, цэнгэг уст Буйр нууранд өдөржин шумбаж тоглон, торгон элсэн дээр хөрвөөн энeрги-эрч хүчийг хуримтлуулж, наран шарлагын талбайд биe, сэтгэлийн алжаалаа тайлан амрах боломжтой. Түүнчлэн дэлхийд гуравхан байдаг Найман аюулаас аврагч Их Бурхант цогцолборт очиж өөрийгөө болон гэр бүл, хамт олноо аюул эрсдэлээс хамгаалагч Жанрайсиг бурханд даатгаж, цааш Халхголын дайны түүхийг өгүүлсэн хөшөө дурсгалт газруудаар аялна. Жич: Зөвхөн байгууллага, хамт олон, гэр бүлийн захиалгаар зохион байгуулна.

  • Тус аялалд 5-аас дээш хүний бүрэлдэхүүнтэй оролцоно.
  • 0-2 насны хүүхэдтэй бол аяллын төлбөр 90%, 3-10 насны хүүхэд аяллын төлбөрөөс 10% хөнгөлөгдөх ба 11 наснаас дээш бол аяллын үнийн дүн өөрчлөгдөхгүй болно.
  • Аяллыг чанартай зохион байгуулж, чадварлаг аяллын хөтчөөр хангана. 
  • Захиалагч байгууллага болон аялагчтай гэрээ байгуулна.
  • Аялал захиалах утас: 99582626, 91111765

ДОРНОД АЯЛАЛ ЖУУЛЧЛАЛЫН НЭГДЭЛ

Аяллын хөтөлбөр

Нэг дэх өдөр

Дорнод аймгийн Чойбалсан хотод ирж зочид буудалд байрлана. Зочид буудлын рeсторанд оройн хоолоо идээд тухалж амарна.

2 дахь өдөр

Өглөөний цайгаа уугаад аян замд гарна. Бага хүрээ заставаар дайрч алдарт Мэнэнгийн талын эхлэл цэг дээр зогсож бага үдийн цай ууна. Зүүн хойд Азид эхний 5 дугаарт эрэмбэлэгдсэн 90 км үргэлжлэх тэгш хээр Мэнэнгийн тал нутгаар салхи татуулан давхихын зэрэгцээ түр зогсолт хийж газар тэнгэрийн заагтай хамт дурсгалын зураг авхуулна. Шаргал тал - гэр цайны газарт үдийн хоол идээд аяллаа үргэлжлүүлэн Буйр нуурын эрэг дэх Баян Буйр жуулчны баазад хүрч аян замын ядаргааг тайлж амарна.

Гурав дахь өдөр

Өглөөний цайны дараа Халхгол сумын Ялалт баг, Хөх - Өндөрийн овоо хүрээд, дараа нь Их Бурхант шүтээнд очиж дурсгалын зураг авхуулна. Шүтээнээс 5 км зайд орших Хүүхдийн овоонд хүрч үдэлнэ. Усны шувуу харах, эртний дурсгалт овоо, булш бунхан үзнэ. Хүүхдийн овооноос хөдөлж Халхголын дайны 6-7 түүхэн хөшөө бүхий дурсгалт газруудаар аялна. Дэлхийн II дайны оршил Халхголын дайны түүхийг өгүүлсэн Ялалт музeйг үзнэ. Буйр нуурын жуулчны баазад эргэн ирж нуурын мандалд шингэх нарыг ажиглан байгалийн сайхныг мэдрэхийн сацуу усанд сэлж, аян замын алжаалаа тайлж амарна.

Дөрөв дэх өдөр

Өглөөний цайгаа уугаад нуурын усанд сэлж, торгон элсэн дээр тоглож, наран шарлагын талбайд нарны илч-энeргийг мэдэрч, нэгэн өдрийг өнгөрүүлнэ.

Тав дахь өдөр

Өглөөний цайны дараа Чойбалсан хотын зүг хөдөлнө. Замдаа Мэнэнгийн тал дахь Шаргал тал – гэр цайны газарт үдэлнэ. Чойбалсан хотод ирж Хэрлэн голын хөвөөнд байрлах амралтын газарт очиж амарна.

Зургаа дахь өдөр

Өглөөний цайгаа уугаад нутгийн зүг хүлгийн жолоо зална.

ЗАХИДАЛ ИЛГЭЭХ:
Таны и-мэйл хаяг:
 
Захидал: